ក្នុងករណីសមាជិក ប.ស.ស. បានបង់ភាគទានមក ប.ស.ស. បានតិចជាង ៣០ឆ្នាំ រួចគាត់ជួបទុព្វលភាព (មានជំងឺ ឬគ្រោះថ្នាក់ធ្ងន់ធ្ងរមិនអាចធ្វើការបាន) នោះត្រូវបានសន្មត់ថា គាត់បានបង់ភាគទានបានគ្រប់ចំនួន ៣០ឆ្នាំតែម្តង និង ទទួលបានប្រាក់ ៤៥% នៃប្រាក់ឈ្នួលមធ្យម។

ឧទារហណ៍៖ ប្រាក់ខែជាមធ្យម ១,២០០,០០០រៀល ប្រកាសមក ប.ស.ស. ពេលដែលជួបទុព្វលភាព នោះនឹងទទួលបាន ៤៥% នៃ ១,២០០,០០០រៀល ស្មើ ៥៤០,០០០រៀល ក្នុង១ខែ ។

ករណីបង់ភាគទានបានតិចជាង ១២ខែ

ក្នុងករណីដែលបានបង់ភាគទានមក ប.ស.ស. បានតិចជាង ១២ខែ នោះ ប.ស.ស. នឹងបើកប្រាក់ដែលបានបង់ភាគទានសរុបដែលសាមីខ្លួនបានបង់។

ប្រាក់នេះនឹងទទួលបាន នៅពេលដែលកម្មករនិយោជិតមានអាយុយ៉ាងតិច៦០ឆ្នាំ ប៉ុន្តែគ្មានវិភាជន៍បូជាសព សោធនឧត្តរជីវី និងគ្មានការព្យាបាលជំងឺ ឬគ្រោះថ្នាក់ នោះទេ (សាមីខ្លួនចេញប្រាក់ដោយខ្លួនឯង) ។