• សេវាព្យាបាលក្នុងមន្ទីរពេទ្យ និងសេវាពិគ្រោះជំងឺក្រៅ
• សេវាសង្រ្គោះបន្ទាន់
• សេវាព្យាបាលដោយស្អំ និងដោយចលនា
• សេវាសម្រាលកូន និងសេវាថែទាំមុន និងក្រោយសម្រាល
• សេវាស្ដារនីតិសម្បទាផ្នែកវេជ្ជសាស្រ្ដ
• សេវាបញ្ជូនអ្នកជំងឺ ឬជនរងគ្រោះ និងសេវាបញ្ជូនសព
• សេវាបង្ការសុខភាព

ចំណាំ ៖ សេវានេះមិនត្រូវបានទូទាត់សងវិញចំពោះការប្រើប្រាស់សេវា នៅមូលដ្ឋានសុខាភិបាលឯកជន ឬមន្ទីរពិសោធន៍ឯកជនក្នុង ឬក្រៅ ប្រទេសឡើយ លើកលែងតែមានការអនុញ្ញាតជាមុនពី ប.ស.ស.។

• ដើម្បីទទួលបាន ប្រាក់បំណាច់ប្រចាំថ្ងៃ​ក្នុងអំឡុងពេលសម្រាកព្យាបាលជំងឺ លុះត្រាតែសមាជិក ប.ស.ស. បានអាក់ខានការងារ ចាប់ពី ៨ថ្ងៃឡើងទៅតាមវេជ្ជបញ្ជានៅក្នុងមូលដ្ឋានសុខាភិបាលដែលជា ដៃគូ ប.ស.ស. និងបានបង់ភាគទានចំនួន ២ខែជាប់គ្នា ឬយ៉ាងតិច៦ខែ ក្នុងអំឡុងពេល ១២ខែចុងក្រោយគិតមកដល់ខែដែលមានបញ្ហាសុខភាព និងកំពុងបំពេញការងារ។

• ដើម្បីទទួលបាន ប្រាក់បំណាច់ប្រចាំថ្ងៃក្នុងអំឡុងពេលសម្រាកលំហែមាតុភាព ចំនួន ៩០ថ្ងៃ លុះត្រា តែសមាជិក ប.ស.ស. បានបង់ភាគទានមក ប.ស.ស. យ៉ាងតិច ៩ខែក្នុង អំឡុងពេល ១២ខែចុងក្រោយ គិតមកដល់ខែដែលសម្រាលកូន។

ចំណាំ ៖ ប្រសិនបើការសម្រាលកូនធ្វើឡើងនៅមន្ទីរពេទ្យ ដែលមិនមែនជាដៃគូជាមួយ ប.ស.ស. សាមីខ្លួនដែលជាអ្នកសម្រាលត្រូវតាមដានសុខភាព ក្រោយសម្រាលនៅមន្ទីរពេទ្យដៃគូ ប.ស.ស. ។

• ប្រាក់វិភាជន៍បូជាសព ផ្នែកថែទាំសុខភាព​កំណត់ស្មើនឹង ២លានរៀល សម្រាប់សិទ្ធិវន្ត ឬអ្នកចាត់ចែងបូជាសពសមាជិក ប.ស.ស. ។